ബ്രസീലിന്റെ ഓരോ ഗോളിനും നഗ്നചിത്രങ്ങൾ പോസ്റ്റ് ചെയ്യും, ഓഫറുമായി ഓൺലിഫാൻസ് മോഡൽ
ഖത്തർ ലോകകപ്പിൽ ബ്രസീൽ നേടുന്ന ഓരോ ഗോളിനും തന്റെ ഓരോ നഗ്നചിത്രങ്ങൾ പോസ്റ്റ് ചെയ്യുമെന്ന വാഗ്‌ദാനവുമായി ഓൺലിഫാൻസ് മോഡലായ ഡയാനെ ടോമസോണി. കോവിഡ് മഹാമാരി സമയത്ത് ഓൺലിഫാൻസിൽ അക്കൗണ്ട് ആരംഭിച്ച ടോമസോണി ഇപ്പോൾ വലിയ വരുമാനമാണ് നേടുന്നത്. തന്റെ ടെലിഗ്രാം ചാനൽ വഴിയാണ് ചിത്രങ്ങൾ നൽകുന്നതെന്നും ആദ്യത്തെ മത്സരം മുതൽ തന്നെ ഇതാരംഭിച്ചുവെന്നും അവർ പറയുന്നു.
ന്യൂസ്‌ഫ്‌ളാഷിൽ സംസാരിക്കുമ്പോഴാണ് ടോമസോണി ഇക്കാര്യം വെളിപ്പെടുത്തിയത്. തന്റെ ആരാധകരുമായി സംവദിക്കാനാണ് ടെലിഗ്രാം ചാനൽ ഉപയോഗിക്കുന്നതെന്നും ബ്രസീൽ കളിക്കുന്ന സമയത്ത് മത്സരത്തിലെ പ്രധാനപ്പെട്ട നിമിഷങ്ങളിൽ ആരാധകർ ചിത്രങ്ങൾ ചോദിക്കാറുണ്ടെന്നും അവർ പറയുന്നു. റീചാർലിസണിന്റെ ഗോളോടു കൂടി ഗ്രൂപ്പ് കൂടുതൽ ആവേശത്തിലായെന്നും അതിനു ശേഷമാണ് താൻ ആദ്യത്തെ നഗ്നചിത്രം അയച്ചതെന്നും അവർ പറയുന്നു.
OF Model Promises Free Nudes For Every Goal Scored By Brazilhttps://t.co/ESs60tgeiR
— OutKick (@Outkick) December 1, 2022
ആരാധകരിൽ അതു വളരെ സന്തോഷമുണ്ടാക്കിയതിനാൽ അടുത്ത മത്സരത്തിലും അതാവർത്തിച്ചുവെന്നും ഇനിയുള്ള മത്സരങ്ങളിൽ ഫോട്ടോയും ചിലപ്പോൾ വീഡിയോയും നൽകുമെന്നും ഇരുപത്തിനാലുകാരിയായ മോഡൽ പറയുന്നു. ബ്രസീലിന്റെ ആറാം കിരീടത്തിനായി എന്തും ചെയ്യാൻ തയ്യാറാണെന്നാണ് അവർ പറയുന്നത്. സ്വന്തം പേരിൽ തന്നെയാണ് ഇവരുടെ ടെലിഗ്രാം ചാനലുമുള്ളത്.
